Kei te riri ngā māngai ā iwi na ngā whakapae hou e pā ana ki a Operation 8

E ai ki te Upoko o Ngā Pirihimana, i oti ngā mahi tiro homiromiro ki Tuhoe i te tau rua mano ma whitu, te tau o te urutomo.

Na whai ano, e tumeke ana tēnei o nga raNgātira o te iwi, a Tamati Kruger, ki te rongo i hāere tonu kē pea mo ngā tau e rua, ki te tau rua mano ma iwa.

Ko tā Tamati Kruger, “Mena kei te pono aua kōrero , ae , kei te pukuriri ahau nā te mea i muri i ngā urutomo i mea mai rātou i te oti katoa tā rātou mahi tirotiro."

Kei roto i ngā parongo a Te Ururoa Flavell ko ngā mahi tirotiro penei ki te hāere o te tangata ki te toa, ana tirohanga ki te ipurangi, me ngā ingoa o te hunga i whakapa atu ki taua tangata rā.

E ai ki ngā parongo, he roopu, he tangata Māori mana nui etahi i tirohia, etahi kei waho atu i te takiwa o Ngāi Tuhoe.

He korero whakawehi i te heamana o te iwi nui rawa o Aotearoa, o Ngāpuhi.

“Mehemea e tika ana wena momo korero kua awangawanga a Ngāpuhi kua hukeke ka tika na te mea horekau matou e mohio pena ko au kei runga i tena rarangi, ko tetahi atu rainei.”

Kei te whakaoti i tēnei wā tonu nei a Te Ururoa Flavell i tāna reta ki te Upoko o Ngā Pirihimana, nōreira hei te wiki e tu mai nei, ka whitikina tēnei take e te rā.