Kaupapa: Hawai'i

Kei te pukuriri ngā tangata whenua o Hawaii nā ngā mahi whakatū i tētahi karu whakatata teitei ki runga ake i tā rātou maunga tapu

Wepiha Te Kanawa

Kei te tū ngā pihi o ngā iwi tangata whenua o Hawaii i te tīmatanga o ngā mahi whakatū i tētahi karu whakatata teitei rawa o te ao, ki runga ake i te maunga o Kea ki Hilo.

He maunga tino tapu tēnei ki ngā mana whenua, ā, ehara i te mea, ko rātou anahe e pukuriri ana.  I kōrero tā mātou karere a Wepiha Te Kanawa ki tētahi o ngā kaiporotēhi kei runga i a Mauna Kea

E ngau ana te pukuriri i te tangata whenua o Hawaii i runga i te whakatau kia timata kē te hanga i tētahi karu whakatata, he kotahi ira whā piriona tāra te utu ki runga i tō rātou maunga kāmehameha.

He karu whakatata kei runga kē i te maunga, engari ko tēnei mea hou pea te tāroaroa rawa o te ao. I kōrero ahau ki a Kaho'okahi Kanuha, ko ia kei te porotēhi, ko tāna "E takahi ana rātou i te mana o te maunga tapu me te tangata whenua."

Engari ehara i te mea ki Mauna Kea anake ngā mahi porotēhi, engari kē ki Te Whare Wānanga o Hawai'i anō, ko ngā tauira ērā e tū porotēhi ana hoki.

Rere ana te tangi ki tā rātou maunga kāmehameha a Maunga Kea.

Ko Hapana, Haina, Kanata me Inia e manako ana ko te rangahau a whetu te hua o te karu whakatata.