Kei te piki ake te hunga e whakahē ana i a Jackson rāua ko Tamihere

Koinei te momo rerenga pātai i puta i a John Tamihere raua ko Willie Jackson i tainehi nei, i rikarika ai ngā māngai o Te Wharepora, he rōpu wāhine Māori e whakatairanga ana i ngā take wahine Māori o te wā.

Ko ngai Kaitorangapuu tonu te hunga e aro haehae ana i te wairua o te uiui a te tokorua, i runga hoki i te mohio, he kaiwhakahaere te tokorua nei, i ngā roopu taunaki hapori.

Ko tā Marama Davidson, "kātahi ngā kōrero e whakaiti ana i te hunga wahine i ngā patunga pāwhera katoa hoki."

Ko tā te Minits Whakahiato Ora ko tā Paula Bennett "Me whakamā rāua ka tika, ko tāna ano ko rāua tahi me a rāua whakaaro te take e noho mū ana te maha noa o ngā patunga pāwhera."  

Ko tā, Pita Sharples, "hoatu etahi puutea whanau ora ki a rātau, kei hea te aroha i roto i o raua korero."

I whakapā atu a Te Kāea ki a Willie Jackson raua ko John Tamihere i te rangi nei kia whakawhānui o rātau whakaaro mo te ahua o tā raua uiui i a Amy i runga i a Radio Live inanahi, ko tā Willi, kao, me te mea nei kaore i whakahoki korero mai a JT.

I puta te whakapāha a Willie i te rangi nei i runga i a Radio Live mo te wairua whakaiti i a raua ko JT i puta i te uiui rā, mena rānei i tau.