Kei te kitea ngā hua o te aruaru kararehe ā taketake ki Kānata

Kei te raki o Kānata, ki te rohe o Nova Scotia, hei tā tētahi tāne o reira, ehara mā te pepa e kīa ai te tangata, he uri tūturu ia, engari mā āna mahi kē e tohu.  Koinā tā Richard McKinnon, e ako ana i ngā tikanga raranga kete o te iwi Mi'kmaq hei hanga taputapu mō āna mahi hopu kararehe.

Me uaua ka kite i a Richard McKinnon i tōna kainga e noho inukorokoro ana.

I te nuinga o te wā kei tētahi wāhi whenua ia i muri i tōna whare e mahia ana i te mahi.

E ai ki tēnei uri taketake o Kānata, tā Richard he rima ki te waru haora ia rā ia i te puihi e aru kararehe ana.

He whaiwhai tia, he tahere kararehe te mahi. E hia mano taara ka utua ki a ia ia tau mō ngā huruhuru. Engari ehara i te mea ko te moni taana e whai nei.

He momo takaro ki a ia, i runga anō i tana kaingākau ki tēnei tūmomo mahi.

He uri Mi’kmaq ia. He taura here anō tōna ki te kāhui Metis o kōnei. Kāore tana noho i te tawhiti ki tētahi whānau Mi’kmaq. Nō kona ōna mōhioranga i akohia mō tōna ahurea.

He nui ngā rawa aka hangaia e ia anō, inā te nui o ngā pākete me ngā momo taputapu e noho ana i tōna whare. He rua tau te roa kia ako i a ia te hanga i ēnei kupenga. Ahakoa ka tāea te hoko mai i te toa.

Hei taana anō, kāre ia i te hiahia i ngā taputapu o nāianei.

Ka whakaatūhia e ia āna mahi ki ngā kura me ngā whakahaerenga maha. Engari kāre anō kia kitea ōna pūkenga me ōna mōhiotanga katoa e pa ana ki te noho whenua.

Mēnā he hiahia nō te tangata ki te rapu i a ia me whakamau i ō hū hōtoke, ka tika.