Ngā kaupapa: Entertainment, NZ Music

Kei te keokeonga o te tūtohi waiata reo Māori a Ranea Aperahama

Te Kāea

E noho atu ana te kōpae pūoro hou a Ranea Aperahama, ara a 'Tihei Mauri Ora' ki te tūranga tuatahi o ngā kopae pūoro Māori puta noa i te motu.

Hei tā Ranea, "I taka au ki roto i etahi raruraru. I pohehe ai au ehara au i te taonga. I tae au ki tua o tawauwau me kī, ko tētahi wairua i kī mai ki au ki te whakamate i au, ki te whakamomori.

Heoi mā te mahi tito waiata ka whai rongoā a Ranea, otira ka whai wāhi hoki ia ki te whakātu i ona whakāro mo te taha wairua ōna, me ētahi atu take nui.

Hei tana, "He waiata whakamahara ake i te rōpu wairua i te kupu a wiremu ratana te ahuatanga o te hononga a hauiti ki a reipa, me kaua a reipa e huri tuara."

E tumanako ana a Rānea mā āna waiata, ka whai māramatanga te marea.

Hei tana, "Koia kei roto i ngā waiata ka rongo koe i te paparuatanga mai o tētahi kupu tihei mauri ora, ahakoa iti te kupu nui te kōrero hei kupenga ano, hei hao mai te taringa pakeke mai, tamariki mai, nohinohi mai."