Kei te āwangawanga ētahi o te iwi Ihirama mo ngā whakawhiu ki runga i tō rātou hāhi

Te Kāea

Kei te āwangawanga ētahi o te iwi Ihirama mo ngā whakawhiu ki runga i tō rātou hāhi. Koira te whakapāe a tētahi o ngā pononga o te hāhi rā, a Te Rata Hikāiro me tana whakahau ehara rātou i te hunga whakatumatuma.

E pā pouri ana tēnei pononga o te hāhi Ihirama mo te hunga e whakawhiu ana i ōna whakapono. 

Hei tā Hikāiro, “E āwangawanga mātou mo te riri a ētahi ki a mātou ahakoa ehara mātou i te hunga whakatumatuma engari kei te whakaaro pea ētahi mo era. Pēnā ki te kōrero ahau i te pono ki te tangata kotahi he tekau, kotahi rau ngā tāngata e whakaaro ana i ngā mea teka.”

Hei tā Hikairo i takahi a Man Haron Monis i te tapu o te hāhi.

Ki tā Hikāiro, “I te mau kē a mātou mea tapu ki runga tētahi haki me te whakamahi i tērā haki ki te whakatumatuma, he mea kino rawa tērā.”

Heoi anō, e hoake tonu ana te Pirimia me te ture ārai whakatumatuma i Aotearoa me te āwangawanga a ētahi o te hāhi kei whakawāngia rātou engari kāore tērā i te tika.

Kei te karakia tonu a Hikairo mo tētahi oranga ki tua mo te hāhi.

Ka hoki ahau ki te taitokerau, he Ngāpuhi ahau engari tērā ētahi e kī ana 'hoki ki to ake whenua.'

Ka kawe tonu a Hikairo i ngā whakapono a te hāhi Ihirama me te whakaako hoki, ehara te hāhi i te kaiwhakatumatuma engari he whakapono i runga i te rangimarie.