Kaupapa: Health

Kei te aro atu tētahi wahine ki tōna hauora kia tāea ai te whakawhānau pēpi

O ngā wāhine tokorima i Aotearoa nei, kotahi o rātou ka pākia e te mate Polycystic Ovary Syndrome, ka mutu, he uaua mā aua wāhine te whakaira pēpi.  

Hēoi, koia ko te mānuka kua takoto ki mua i te aroaro o Bronwyn rāua ko tana tāne, a Ricci Laki. Kua tekau mā toru tau a Bronwyn me tōna tāne e whakaheke werawera ana ki te whakaira pēpi, engari, auare ake.

Hei tā Mrs Laki, "Kei ahau te mauiuitanga o te Polycystic Ovaries, nō reira, ko te mea uaua o tērā, kāre tāea e ahau te whānau nei te pēpi."

I ngā tau tekau mā ono ki muri, i mate ai tā rāua pēpi kōhine, e rua tekau mā tahi wiki tōna pakeke, ā, koianei te wā tuatahi kua aro rāua ki te huarahi hauora Māori mō te whakawhānau pēpi te take.

E ai ki a Mr Laki, "Mehemea he momona hāere ahau, he uaua te whānau mai te pēpi, nō reira ka whai māua ki te whaiiti tā māua tīnana, kai ai i te kai tika."

Kua hangaia tētehi whārangi Pukamata, kia whāia ai i tā rāua huarahi, me ngā hua pai kua puta.

A tērā tau tirotioro ai rāua i te huarahi e hono ai te wai tātea me te hēki.