Kaupapa: Waka Ama

Kei runga noa atu a Pukeroa i te rēhi W6 500

Te Kāea

I kaha rawa te kōkiri a te kapa Pukeroa i tēnei rēhi whiringa toa. I mua noa atu rātau i ngā kapa katoa.

E waru ngā kapa i eke ki ngā whiringa toa nei. Ko Pukeroa, Tipani,Puketirini Putiputi, Tuhituhi Gold, Tuhituhi, Team BFF, Pitate rātau ko Tiaia.

I tere te koke whakamua a te tīma o Pukeroa i ngā hēkona tuatahi o te rēhi, mea rawa ake ka wikitoria rātau. Whitu hēkona whai muri iho ka hipa te ihu o Tīpani i te rārangi whakamutunga, ā, ko Puketirini Putiputi tērā i tae tuatoru mai.

Mō te whānuitanga o te rēhi, me ngā rēhi ka whakahaerehia i tēnei wiki, whātoro atu ki te paetukutuku o raro iho nei.

http://www.maoritelevision.com/tv/shows/2014-waka-ama-sprints