Kaupapa: Employment

Kei rō kōti ano a AFFCO me te Uniana mo ngā kaimahi patu mīti

Kei te kōti take mahi anō te Uniana Kai-Patu Mīti o Aotearoa me AFFCO e taukumekumehia ana ngā here o ngā kirimana mahi takitahi a te kamupene. E kī ana ētahi mema o te uniana nō Wairoa, kua rakaina kē rātou ki waho o tō rātou whare mahi.

I tūtaki tā mātou karere a Te Kāea ki ētahi ō rātou i hāere tawhiti mai ki te whakawātanga nei. 

Koni atu i te 18 tau a Peter Amoto e mahi ana ki te peka o AFFCO i Wairoa, ā, hei tāna, he tūranga tūtūru tāna tā te mea, e rua noa iho ngā wiki kua puta ia ki te whakatā mai i tana mahi. 

Hei tāna, "Under this new term, if you've been there for 30 years it doesn't really matter, they'll get rid of you. At some point they are just trying to get rid of the senior members anyway."

Ko tā te roia a te Uniana, tā Peter Cranney, e rua ngā take o te kēhi. Koia ko te kite ake mena i whaia e AFFCO ngā tikanga o te ture ki te wānanga i ngā whakaaenga takitahi me ngā mema o te uniana, mena hoki e mana ana te kapinga o ngā kuaha ki ngā kaimahi uniana. 

Ko te tohe a ngā mema o te Union, ko tā AFFCO me haina rātou i ngā whakaaenga takitahi a te Kamupene, hei aha rā te whakaaenga ā rōpū a te Uniana. 

Ki tā Dave Anderson, he kaimahi kua aukatia, "We've managed to get on the emergency benefit, for some of our people it came too late so they have to sign and go back to work."

Kīhai ngā māngai o AFFCO i hiahia te tuku kōrero ā kamera mai, ēngari ko tētahi o ngā take i roto i tā rātou tono whakautu e mea ana, kīhai te whakaaenga ā rōpū a te uniana e whai mana ana tā te mea kua pau te wā ki tērā whakaaenga. 

Nā whai anō ko tā AFFCO me tuku atu rātou i ngā whakaaenga takitahi tā te mea ko te ahuatanga o ngā mahi, he mahi 'seasonal', ā, e kore hoki rātou e tāea te utu i te tangata, horekau kē he kirimana.

Ki tā Peter Amato, “We'd rather be working than doing this, but we are here and we're standing up for the little people and the little towns of New Zealand.”

E rua rā te roanga o te nohonga kōti mahi