Kaupapa: Waitangi

Kāre te Kāwana Tianara i whakararu i te wā o tōna pohiri i Waitangi

Dean Nathan

Tū ana ngā pihi ā rere āna ngā kupu whiu ki Waitangi i te rangi nei i te whakaeketanga o te Kāwana Tianara a Tā Jerry Matepārae ki Te Tī Marae.  I tōna taha ko Titewhai Harawira, i a rātou ka whakaeke atu ki te wharenui, hëoi nāwai ka tukituki ko ngā kaiwawao i te Kāwana Tianara me te tamāhine o Titewhai, a Hinewhare Harawira.

Ahakoa ngā pūrongo kua puta i te rā nei i puta te tihau a te Kāwana Tianara me te kī ahakoa i te mohio ia he raru i te pupū ake i te wā o tana pohiri kihai i a i te paku mataku i te āwangawanga hoki.

Kei Waitangi tā mātou karere i Te Taitokerau, a Dean Nathan kei i a ia ngā whakamahuki o te rā. Tapiri atu i tae atu ia ki  te hui a ngā Māngai ā Iwi i te ra nei i reira i āta wetewetehia e rātou te maha noa o ngā kaupapa whakahirahira e hāngai ana ki te iwi Māori.