Kapa haka healing James Rolleston

Aroha Awarau

Mai i te pārengarenga o mate ki te whāriki whero, hei te pō nei tae atu ai te kai-whakaari Māori nei, a James Rolleston ki te whakarewanga ake o tāna whitiāhua hōu, o Pork Pie, ki Tāmaki Makaurau.

I tana kōrero ki a Aroha Awarau, ka hura i a ia ngā āhuatanga e whakahirihiri nei i tōna oranga ake i te aituā kikino.

E ono marama kua hipa i te aituā i tata mate ai ia, kua whakawhirinaki atu a James Rolleston ki te kapahaka hei haumanu i a ia.

E ai ki a Rolleston, kua tere piki te ora nō te tukinga waka i tōna hau kāinga, i Ōpōtiki i te Hōngongoi. I tēnei wā kei te whakatairanga ia i tana kiriata hōu, he mea whakaari nāna i a Luke, i te whakahōunga o Goodbye Pork Pie.

Tōmuri mai i āna mahi i Boy, The Dead Lands, The Dark Horse hoki, kei te whakatā a Rolleston i te mahi whakaari, kia hāngai pū te aro ki tōna oranga ake.

Ko tāna anō, ehara i te mea kei tōna tinana anake ōna wharanga.

I tū a Rolleston me te kapa o Ōpōtiki Mai Tawhiti i Te Matatini, rua mano, tekau mā rima. Ko ōna wharanga te take e kore ia e tū ki Te Kahu o Te Amorangi i Heretaunga ā tērā marama. Engari e kore e ārikarika tana ūmere atu ki tōna whānau.