Kāore anō te Poari o Whakaata Māori kia whakaae ki tētahi Tumu Whakarae hōu

Heeni Brown

Kīhai te katoa o te Poari tokowhitu i whakaae ki te whakatau kotahi, nā reira, kua kore he Tumu Whakarae hōu mō Whakaata Māori.

Na, ko te heamana, ko Te Heuheu rātou ko ngā mema Poari, ko ngā kaipupuri o Whakaata Māori kua tahuri ki te whakatau i te ara whakamua.  Otira ko tā Ian Taylor, tētahi o ngā mema poari, kātahi nei ka rihaina e rua wiki ki muri, 'tōna tikanga kua kore tēnei tūāhuatanga e pupū ake'

I tērā wiki, i rere ngā pātai a Reipa ki roto o Pāremata mō ngā whakahaere whakatau tāhuhu rangapu hōu.

Ko tētahi e mea ana, nā Te Heuheu i whakataha atu te whakatau tuatahi - kīhai a Paora Maxwell, Tumu ō-mua mō ngā hōtaka Māori me te Moananui a Kiwa i Te Reo Tātaki, i whai pukenga hei tumu whakarae.

Mō te taha ki te tāhuhu rangapu, aianei ake ka tohua he kairiiwhi hei whakakii i ngā hū o Jim Mather mō tētahi wā.