Kaupapa: Raggamuffin

Kāore anō kia tō te rā ki a UB40 ahakoa kua hipa te 37 tau

Wepiha Te Kanawa

Ko UB40 tetahi o ngā rōpū waiata reggae rongonui rawa atu o te ao, a ko ta ratou tu whakamutunga ki Aotearoa nei i te tau rua mano ma waru, i mua i te wehenga o te kaiwaiata matua a Ali Campbell.

Neke atu i te rima tekau a rātou waiata kua eke ki te rarangi waiata o Ingarangi, i whiria hoki rātou mō tētahi Grammy.

Kua roa nei ngā waiata reggae o UB40 e tangi ana, ā, ko te Māori tonu tērā e whakarongo ana. I tipu ake te rōpū i Birmingham, ā, ko rātou te rōpū waiata matua ka tū ki Ragamuffin a te marama o Huitanguru.

Tērā ngā piki me ngā heke a te tira, i wehe atu te kaiwaiata matua, ta rāua teina a Ali Campbell ki te whakatū i tētahi rōpū hou.

Toru tekau mā whitu tau kua hori, ā, kei te mahia tonutia te mahi, ka timata tā rātou whakaaturanga 'Red Red Wine Tour' a te marama o Kohitātea.