Kaupapa: Environment

Ka whāki ngā kaipūtaiao GNS mō ngā mahi hōpara i ngā papa moana

Aroha Treacher

Koia nei, ko te wenerau a te mano o Aotearoa nei, ko te mahi hōpara i ngā papa moana huri noa i te motu.  

E ai ki ngā kai-pūtaiao nō GNS, me riro kē mā Aotearoa ōna rawa ake e whakahaere, ā, hei aha te whakawhirinaki atu ki te hunga me ngā kaporeihana ki tāwāhi.

Engari, kua tuku te Kāwanatanga ētahi whakaaetanga ki ngā kamupene nō tāwāhi pēnei i a TAG, kia haere mai ki Aotearoa ki te keri hinu.  Engari kāore ngā iwi hapū rānei i whakaae nā ngā pānga kino ki te taiao.

Hei tā Mike Smith mō Greenpeace, “Aē, rongorongo ana ahau i ngā politicians i te nuinga o ngā mahi engari ki ahau nei ki tōku nei mōhio horekau he mahi ko taku whakautu ki a rātou ngā politicians kaua e tito ki a mātou e pā ana ki te mahi i waenganui i aua kaporeihana.”

Engari, e ai ki a Hollis, ehara i te mea ko te hinu te raru, engari ko te whakamahinga hinu kē te tino take, nā reira me whakaheke tātou i te rahi o ngā tukunga paitini ki te pōhao.

Ko tā Hollis kōrero kāore a Aotearoa i te wāhi pai mo te keri hinu i te mea ka noho te nuinga o ngā rawa kei te papa moana.  He hōhonu te noho, he mōrearea hoki te tango i aua rawa.