Ka whakatū kāinga noho a Ngāti Whātua o Orākei ma ōna uri

E koke ana te āwhero o te iwi o Ngāti Whātua o Orākei kia whakatū kāinga noho ma ōna uri.

Hei tā Ngarimu Blair o te poari Whai Rawa o Ngāti Whātua, i raro i tō rātou tono e rua tekau mā whā miriona tāra te wāriu, ka whakatūria ngā kāinga whitu tekau mā rima, ka hāpai hoki i ngā mema o te iwi ki te whiwhi mōkete kia tutuki mārika ai te wawata o te huhua o te iwi ki te whiwhi i tō rātou kāinga tuatahi.