Kaupapa: Welfare

Ka whakatīpako te rīpoata a te Kaikomihana Tamariki i ngā take kore tiaki i te hunga Māori

Ko te nuinga o ngā tamariki Māori i raro i te maru o Te Uehā Mātātahi o Aotearoa, ka ngaro ō rātou tuakiritanga, ā, ka taka i ngā whāwhārua ina pakeke ake ai.

Koia tā tētahi kai-mahi toko i te ora Māori i tipu ake i raro i ngā manaakitanga a ngā mātua whāngai.  He kōrero e whakatauira ana i tā te Kai-komihana Tamariki i puta i tana pūrongo 'State Of Care' mō ngā takanga a Te Uehā ki te tiaki tika i ngā Māori i raro i tōna maru. 

E ono marama te pakeke o Daryl Brougham, ka riro ia ki ngā ringaringa manaaki o CYF.

Ā nō tōna tau tekau mā toru kē ka whai māramatanga ia, he toto Māori ōna.

Nō te marama o Poutūterangi i te tau nei, e rua mano e iwa rau whitu tekau i te rima mano kotahi rau tamariki e noho ana ki raro i a CYF, he Māori.  E ai ki Daryl, he wero nui mō te Māori kei raro i a CYF.

E ai ki te kaikomihana mō ngā Tamariki, he mahi ngoikore tā CYF kia āwhina ai i ngā tamariki Māori ki te whai hononga ki o rātou whakapapa Māori.

E whakapono ia, mā te mātauranga Māori, ka kore peā ngā tamariki e taka ki te hē, pērā ki a ia.

E tautoko ana te kāwanatanga i ngā kitenga o te rīpoata, engari tāria te wā mena ka kite i ngā panonitanga a ture kia pai ake te noho a ngā tamariki Māori ki raro i a CYF.