Ngā kaupapa: Entertainment, Rereātea - Midday News

Ka whakapāhotia tuatahitia te kiriata Moana Reo Māori hei te pō nei

Tepara Koti

Hei whakanui i te wiki o te reo Māori, ka whakapāhotia tuatahitia te kiriata Moana Reo Māori ki Tāmaki Makaurau ā te pō nei.

Ko ngā kaiwhakaari matua o te kiriata tuatahi pēnei i a Rachel House rātou ko Temuera Morrison, ko Jemaine Clement ērā kua mahi ngātahi me te kohine Moana a Jaedyn Randell rāua ko Piripi Taylor, kaiwhakataki o Te Kāea, hei Māui.

Kua pau kē ngā tīkiti mō te kiriata reo Māori nei kei ngā whare pikitia huri noa i te motu, ā, e hīkaka ana te hunga tamariki me te hunga pakeke.

Hei tā te kaiwhakamāori tā Vikky Demant, "Ia te wā e noho ana mātou ki te mahi i ngā mahi nei ko rātou tonu kei mua i o mātou whatumanawa. Ia te wā ka whakaaro mātou, pēhea ngā kōrero ki ngā tamariki ki te reanga kei te tipu."

I kōrero tahi a Demant rātou ko ōna hoa whakamāori ki Te Kāea, i mua tonu i te pō whakapāho tuatahi nei, me ō rātou kōrero mō ngā mahi whakamāori: