Ngā kaupapa: Kapa Haka, Kura Tuarua

Ka whakanungutia te taitara ā-rohe e Ngā Taiātea Wharekura

Gloria (Korōria) Taumaunu

E whā nga kapa ka whakakanohi i te mana o Tainui waka ki ngā whakataetae kapahaka a ngā kura tuarua o te motu, ki Heretaunga hei tērā tau.  

Nō nanahi nei ka tohua ko Rākaumanga, ko Te Wharekura o Ngā Taiātea, Tai Wānanga me Te Maurea Whiritoi i ngā whakataetae ā-rohe o Tainui, ā, ko Ngā Taiatea te whakaihuwaka o rātou.

Ko Te Wharekura o Rākaumanga te whakaihuwaka i ngā whakataetae ā-motu i Tūranga i tērā tau, ā, i reira anō te taimaha kia tōaitia anō tērā ekenga a rātou.

Hei tā Keihana Kingi-Takoko, “Anei kē tā mātou mea ā-motu, kei konei, kei te kāinga. Nō konei ka tino whakawāngia mātou e ō mātou kuia, koroua, nō reira koinei te tino o tā mātou tū.”

Ahakoa i toa i a rātou ngā whakataetae ā-motu i te tau rua mano tekau mā rua, kāore a Ngā Taiatea i eke ki ngā whiringa toa i Tūranga heoi i mahue noa aua kēkēao rā, ā, ka huraina katoatia ngā tiriki i te pāhi.

Hei tā Te Uranga o te Rā Walker "Kei runga rā te taumata, ka rongo kōrero ahau mō ngā rōpū hou he rawe katoa rātou."

For trans please - No doubt these Tainui kapa haka teams will display some fierce completion next year.