Ngā kaupapa: ANZAC, Arts

Ka whakamaharatia ngā mahi o Aotearoa i Gallipoli

Ko te whakatūwheratanga o te whakaaturanga i te whare taonga pakanga o Pukeahu e kīa nei ko "Gallipoli: The New Zealand story in Colour". 

Nō natahi wiki rā ka whakanuia te kotahi rau tau o te pakanga i tu ki te whenua o Turkey, ā, nō tēnei atatū ka karakiangia te kohinga kura kāmehameha nei hei kitenga mā te tini mano

Mahue ana ko te pierenuku ki Karipori, ā, maringi ana ko te toto o te tini mano o ngā hoia o Āotearoa.

E ai ki a Ngawai Walden, “He wā tēnei mō mātou ki te whakaako ka pēhea rā o taua ao i tērā wā.”

Neke atu i te rua rau ngā whakaahua karakara, mahitoi hoki kei roto i tēnei whakakitenga, tāpiri atu, ko ētahi mahinga mō te pakanga i Chunuk Bair.

Ki tā Walden, “Mō rātou i te tuatahi ki te whakapai i ngā wāhi kainga mō ngā hoia ki te hanga i ngā tereina i roto i tō rātou ngākau he toa rātou a i tēnei pakanga o Gallipoli i tīmata ai rātou te pakanga.

Kei ngā pātū o te whare ngā īngoa, neke atu i te rua mano, ngā hōia i mate i taua pakanga.

Hei tā Walden, “Ki a mātou nei te iwi Māori, tino kaha ana mātou ki te pakanga tuarua me te mahi a te rua tekau ma waru, engari kotahi rautau kua pahure ake.”

Heoi e ai ki a Ngawai mā te whakakitenga nei ka puawai te kākano o te mahara ki te iwi.

E ai ki a Walden, “Whai mai e te iwi haramai ki te ako titiro ki ngā iwi i ngaro ai ki tā wāhi.”

Ka tū tonu tēnei whakakitenga mō te kotahi tau ki te whare taonga pakanga o Pukeahu i Te Whanganui a Tara.