Kaupapa: Entertainment

Ka whakahoki atu ngā moni ki ngā kaihoko tīkiti o te konohete o Chris Brown

Piripi Taylor

E maia ana ngā kaitoko i a Chris Brown, ā tōna wā tonu ia ka tau mai ki konei whakangahau ai.

Koia tā Castor & Ford i te putanga o tana whakatau i te rā nei, ka kore e tū ngā konohete a te kai-waiata rongonui e haere ki Aotearoa me Ahitereiria i tēnei marama.

Ko tā Te Ratonga Manene o Aotearoa i tērā wiki, he whai i te whakatau a Ahitereiria, kaare mō te whakaae ki te tono a Brown mō tētahi pane uruwhenua.  Nā te mema pāremata o Reipa, nā Kelvin Davis te tohe i toko ake i tāna whakahē i te kuhunga mai o Brown ki Aotearoa nā tana whakawhiunga mō te patu i tana whaiaipo ō-mua, i a Rihanna i te tau rua mano mā iwa, ka mutu ehara ia i te tauira tika ki ngā rangatahi Māori.

Heoi, i whai tautoko te whetū o Amerika nei i ētahi Kahurangi Māori, nā rātou ia i pōhiri i runga i te whakapono, ka puta a Brown hei kaiarataki i ngā mahi kaupare i ngā mahi tūkino ā-whānau.  Kei te whakahokia atu te katoa o ngā utu tīkiti mō tana whakangahau i Tāmaki nei, ki te hunga hoko.