Ka whakahekengia te Kāwanatanga te rahi o te tāmure ka taea te hī

Wepiha Te Kanawa

Ko te rahi o te tāmure ka taea e te tangata kotahi te hī ia rā, i whakarerekēhia e te Minita Take Ahu Matua, e Nathan Guy i tēnei ahiahi.  Ehara i te hekenga nui i puta tuatahi atu i te kāwanatanga hei whakaarotanga mā te marea, heoi e wero ana a Mandy Kupenga o te rōpū LegaSea i te kāwanatanga, mehemea he hua ka puta.

I rangona whānuitia te whakatau a te Kāwanatanga hei whakaheke i te nama o ngā ika tāmure ka hopukina e te marea mai te iwa ki te whitu.

E ai ki a Mandy Kupenga he whakatau huakore mō te marea.

Ko te tikanga o te whakatau hōu a te tuatahi o te marama o Paengawhāwhā e whitu tāmure, e toru tekau henemita te roa ki ia takitahi te ture, heoi ko te tutukitanga, he mea anō tēnā.

E ai ki a Nathan Guy he whakatau tika mā te katoa, heoi he rerekē ngā whakaaro o Mandy.

Ko te whāinga matua o tēnei whakatau hōu he whakarauora i ngā ika tāmure, heoi hei te marama o Paengawhāwhā ka kite mehemea ka whai hua.