Kaupapa: Crime

Ka wahangū te tokorua a Radio Live mō te toenga o te tau

Kua pae ngā mahi pāpaoho a Willie Jackson rāua ko John Tamihere ki te reo irirangi o Radio Live mō tēnei tau.

E hāngai ana ki tā rāua uiui i tētahi kōtiro tekau ma waru tau te pakeke.

Ko ia te hoa o tētahi parurenga e whakapaetia ana i pāwheratia e te kēnge Roast Busters.

I manawawera ētahi ki a rāua pātai ki a "Amy", e whakapaetia ana i te uapare kē rāua i ngā parurenga.

Hei tā rāua i te rā nei, “We do not condone rape in any way and did not intend to blame the victims.  Rape is a terrible crime and the victims who come forward deserve support and respect.”

He whakapāhā anō ki ngā umanga i tangohia a rātou tautoko mai i te reo irirangi.

“We deeply regret the comments we made last week and the upset they caused with so many people.”

“We also want to apologise to the clients of Radio Live who had to deal with the negative feedback to their businesses because they advertise on our show.”

“Kei te tuku anō māua tā māua mihi aroha ki a koutou e noho pōuri ana ki o tātou wāhine, ki o tātou whānau mō a māua kōrero hē rawa atu.”

I tuku waea atu anō a Te Kāea ki a rāua kia kōrero ki runga pouaka whakaata, heoi auare ake.

E matapaetia ana ka hoki atu anō rāua ki a Radio Live hei te tau e tū mai nei.

Engari kei te tirohia tonutia e Radio Live te take nei.