Ka tika te whakahua i te īngoa o Radio Hauraki inaianei

By Talisa Kupenga

E mahi ngātahi ana ngā iwi o Pare Hauraki me te kamupene o NZME kia tika ai te whakahua a ngā kaipapāho i te īngoa reo irirangi o Radio Hauraki.

I te marama o Hōngongoi, i puta te whakapae a tētahi kaimahi o mua, nā ngā kaiwhakahaere kē te kī me hē kē te whakahua mō te mana tauhokohoko o te teihana te painga.

Ko tā tētahi māngai ā-iwi, a Korohere Ngapo, ka ngaro atu pea te whakahuanga hē o te īngoa Radio Hauraki a ngā rā ki tua.

"I te mutunga iho i riro i a ratou tēnei rerenga kōrero Pare Hauraki. Ka kore mātou e heke iho i tēnei tūnga. I kite ahau i te kaha hiakai o ngā tumu whakarae kia tika tēnei mahi."

Itaenihi nei i hui ngātahi ngā māngai o Pare Hauraki ki ngā tumu whakarae o NZME, kia kōwhiri ai he ara whakamua hei whakatika i te whakahua o te īngoa Radio Hauraki.

Ki tā Ngapo, "Ki te kore mātou e whakatikatika, ka noho hē rawa atu tēnei kaupapa mo ake tonu atu.

Ko te āhua nei kua rangona, kua mau, ka mutu, he ara pai tēnei nā te mea kei te kōrero ngātahi mātou. I roto i ngā tau kua huri atu kaore matou i whai wā ki te noho ki te āta korero."

Kō tā te Kaiwhakahaere a rōpū o NZME a Dean Buchanan, he hononga pai tā rātou ki a Pare Hauraki. E koa ana rātou kia mahi tahi te kamupene ki te iwi.

E ai ki a Ngapo, "I mea atu ahau ki a rātou ehara ko te rerenga kōrero o Pare Hauraki anake, ēngari me kuhu mai rātou ki te ahurea māori, me ata whakarongo mai rātou ki nga hītori."

Inaeanei ko te mahi kia kōwhiri e Pare Hauraki me NZME he rā wānanga mō ngā kaimahi.