Ka puta ngā pepa pōti kaunihera āpōpō

Heeni Brown

I mōhio rānei koe ka puta atu rā te tuatahi o ngā pepa tuku pōti kaunihera ki tō kainga āpōpō? Ā, he aha rā ngā whakapae i te maha o ngā tāngata ka tuku i ō rātou ake pōti?

I puta atu rā te rārangi ingoa o ngā kaitono i te rēhi mo te tūranga koromatua, me ngā mema o ngā poari hāpori nei.

Nā te mea, kāre tonu ētahi i te paku mōhio ki ngā pōtitanga e haere ake nei, kei reira tonu ētahi atu tautōhito kaituku i te pōti.

I roto anō i ngā pōtitanga mō Te Kaunihera o Tāmaki Makaurau kua hipa, koni atu i te wha rau waru tekau mano kaipōti i puta atu, ahakoa neke atu i te kotahi miriona tāngata kua rehitatia.

Nā, e ai ki ngā tatauranga iti iho i te haurua o ngā kainoho o Tāmaki Makaurau i tae ki te tuku pōti.

Rua tekau tonu rā ngā rā e toe ana ki te rā aukati, kia tohua mai ai mā wai rā te marae nui o Tāmaki Makaurau e taurima.