Kaupapa: Kapa Haka

Ka ora te reo mā te haka

Rukuwai Tipene-Allen

I muia a Tāmaki Makaurau e te ao haka inanahi ko te mahi matua ko te whakatairanga i Te ahurea Māori mā te reo. I tae atu a Rukuwai Tipene Allen ki whakarongo ki te reo waitī ka mutu Kia mōhio he aha I rerekē ai te reo o tēnei rohe.

He hī, he hā, he hō. Ko te reo i rongohia, i waiatatia, i hakaina. 

Tekau mā whitu ngā kapa i tū ki te atamira o te whakatatae ā Tāmaki.
He reo tō tēnā, tō tēnā.

Hei tā Aterea Rapira 'ko te reo o Tāmaki koira te manawa e papū ai te ika a Māui ka peka ki te waka'

Pēhea nei te reo i te taone nui o te motu?

'Ehara i te mea kotahi noa te reo Māori ki konei ki Tāmaki Makaurau. Ko te mea kē kua moea ngā iwi whānui ki roto i tēnei o ngā wāhi. Koinā te take ka karangahia ko Tāmaki Herehere i ngā Waka' - Mohi Allen

Ko kitea te whakatūturutanga o te reo i te Matatini ki Ōtautahi i te 2015. 

E ai ki a Allen, He kaupapa nui whakaharahara kia whakakotahi mai tātou ki a tātou, kia whakanui i tō tātou reo rangatira.

I nanakia katoa a Te Waka Huia. E ao, e ao. I tuatahi mai rātou i te wāhi ki te reo. Ko rātou te kanohi matua o Tāmaki ki te Matatini