Kaupapa: Kōhanga Reo

Ka ngaro pea Te Poari Matua o Te Kōhanga Reo i tētahi kirimana 2.5 miriona tāra te wāriu

He whakautu patai ta Hekia Parata i te whare paremata, ā, hei taana ko te ngoikore o Te Poari Matua kia pera hoki te take e kore e whakahoungia tana kirimana matua me te Manatu Matauranga.

E rua ira rima miriona taara o te wariu o te kirimana mō ngā mahi whakahaere a Te Poari Matua.

Ka mutu, e ai ano ki te reta ka whai wā te Manatu me te Poari ki te titiro pea ki tetahi kirimana hou, engari tuatahi he nui ngā akiaki a ngā Minita kia anga whakamua.

E ai ki te reta na te ngoikore o Te Poari Matua ki te tautoko i ngā kōhanga reo e kore te kirimana e whakahoungia. E ai ki te kāhui kōhanga reo Mataatua/Tauranga Moana ma tēnei e kite ai he rereketanga. E ai ki te Kaunihera Māori o Aotearoa he takahi mana.

I roto hoki i te reta e mea ana me whai waahi atu ngā whānau kōhanga ki ngā turu o Te Poari Matua, aa, me whakakore te noho ki reira a mate noa.