Kaupapa: Nelson Mandela

Ka mihi te ao ki a Madiba

Piripi Taylor, Te Kāea

E pari ana ngā tai o te ao i ngā mihi, i ngā tangi me ngā poroporoāki ki te ihorei mananui i karangatia whānuitia, ko Madiba.

Neke atu i te rua rau, e rima tekau ngā tohu i riro i a Nelson Mandela i ōna tau iwa tekau mā rima.  He tekau mā rima o ēnā, he tohu hōnore nō ngā whenua maha o te ao.  Tūturu, kua tuohu te ao i te rā nei i tōna hinganga.