Kaupapa: Christmas

Ka māro ake ngā ture inu waipiro me te taraiwa waka hei te 1 o Hakihea

updated Wepiha Te Kanawa
New drink driving laws effective Dec 1

Ka māro ake ngā ture inu waipiro me te taraiwa waka i tēnei rā, mehemea he rua tekau tau tō pakeke heke iho, e kore koe e taea ki te taraiwa waka.

Ko te karere e hiahia ana ngā pirihimana o te motu ki te whakatairanga kia kaua e taraiwa ki te inu waipiro koe.

Ko ngā inu makariri e rua whai muri i te mahi, me taraiwa ki te kainga ka eke koe pea ki te wahi āwangawanga nā ngā ture inu me te taraiwa hou.

E ai ki a Jo Tipene kei te whakatairanga ngā pirihimana puta noa i te motu ki te aukati i te hunga taraiwa mena e inu ana rātou.

E ai ki ngā ture hou mena he pakeke ake koe i te rua tekau tau, ā, e hiahia ana koe ki te inu me te taraiwa me iti ake i te rima tekau mirakaramu o te waipiro ki roto te kotahi rīta o te toto, heoi mehemea he rua tekau tau te pakeke heke iho, kaore rawa koe e taea te inu me taraiwa.

E ai ki a Tamaki Ngerengere me ngā te iwi Māori ki te whai whakaaro mō enei ture hou, kei pā kinotia e te ture.

Kei tua i te hiwi noa a raumati, ā e tūmanako ana ngā rangatira ka kite haere i tokoiti o te hunga inu e taraiwa ana ki ngā tiriti.