Ngā kaupapa: Elections, Rereātea - Midday News

Ka kōrero a Winitana ki a Reipa whai muri i tōna kōrero tahi me Nāhinara

Ka kōrero tahi a Winston Peters me te Rōpū Reipa whai muri i tōna hui ki tō Nāhinara taha i tēnei ata, he hui hei āta wānanga i te kāwanatanga hōu ka ara ake.

Ko tā te tatau i ngā pōti motuhake, he tūru kotahi anō mā Reipa, kotahi anō mā Ngā Kākāriki.  Heoi kua eke a Reipa ki ngā tūru e 46 ināianei, ā, kei Ngā Kākāriki e 8.

E 2 ngā tūru kua mahue i a Nāhinara, kei a ia e 56 ināianei. E wahangū ana a Winitana heoi hei tēnei wiki ka tūpono he whakatau ka puta i a ia.