Kaupapa: Fashion

Ka kōrero atu ki te toa iwi taketake o Miromoda ki a Misty Ratima

Taroi Black

Hei whakatepe ake i te Wiki Kākāhu o Aotearoa, ka huri rā te titiro ki tētahi toa iwi taketake o Miromoda, a Misty Ratima. Ko āna kākāhu i tēnei tau he mea whakanui i ngā tino wāhine o tōna āo, ā, ko tōna tumanako ka tū tōna ake whakaaturanga a tōna wā.

He uri nō Rongomaiwahine, ā, i roto i ngā pueru kākāhu a Misty Ratima, kāre he kaupapa kē atu i tōna whānau hei whakatinana i ōna mahi.

"Ko te taitara o te rārāngi kākāhu nei ko Matariki-Ahunga-Nui. He kōrero mō te kai, mō te whakawhanaungatanga, mō aua mea katoa mō te Matariki. Ēngari e hāngai pū ana ki te taha wahine, ki au, nā te mea tokotoru āku tamāhine, ā, kaha ngā wāhine i tōku ake whānau. Nō reira he momo whakanui i a rātou.”

E waru ngā momo pueru kākāhu nāna anō i whakaatu i mua i te marea kō atu i te waru rau.

"He momo wero ki ngā tāngata mātakitaki ki te hunga mātakitaki kia whakaatu atu ki a rātou pea ka taea tonu te ao Māori te whakarākei i te tangata me te ataahua i raro i te mea auaha."

"Ko te tūmanako ka whakatū i tētahi pakihi i runga i te ipurangi kia hokohoko haere i āku mea katoa. Atu i tēra, koinei taku whāinga atu i te reo Māori me te whakaako Māori."

Pēra ki ētahi atu o ngā kaipueru kākāhu Māori, e manakotia ana a Ratima kia eke panuku.

"Koinei te tau tuatahi mō Adrienne Whitewood, nānā te tuatahi mōna ake, nā reira koina te whainga."

Ko te manako o Ratima kia whakarewahia e ia tōna ake tohu kākahu a Cool to Kohu hei te mutunga o te wiki pūweru.