Ka haere tonu ngā whakanuiatanga a Te Kuini o Ingarangi

Heeni Brown

I raro i te maru o te Kuini o Ingārangi, tae mai ai te tangata ki te whakanui i ngā whakapetonga ngoi ā ō rātou whanaunga, ā ō rātou hoa.

Ā, ko te Kawana Tianara tērā i iriiri i te ranga i tohua ki ngā tohu whakahōnore a Kuini Irihapeti.

I tēnei rā mana ai te noho a Hekenukumai Puhipi hei āpiha ki Te Kāhui Kahurangi.

Hei tā Hekenukumai Pūhipi, “ehara rā ko ahau anake hēoi ko ahau tētahi o ngā kāpene kei ngā kāpene o ngā waka, tārai waka hoki'

I tērā tau, ka whai wāhi atu āna waka hourua te tere i ngā wai o Te Moana Nui a Kiwa ki Te Pito o Te Whenua, ki Rapanui. Nā horekau anō kia kitea tēnei tūāhuatanga i ngā rautau kua horī, otirā te ārahi waka pēnei nā mā te tātai i ngā tohu o te rangi me te moana ānahe.

E ai ki a Hekenukumai e kii nei “Inaianei kua tata timata mātou whare wānanga hei ako i ngā āhuatanga hei whakatere waka kei te tirotiro i ngā whetū mō te ārahi i ngā waka”

Ka mutu, he kaitakawaenga ā-iwi a Michael Skerrett ki Te Kaunihera o Waihōpai, nā, i pinea ki te mētera a te Kuini mo āna mahi ki a ngāi Māori, me tāna whakapau kaha mō te hāpori

Hei tā Skerrett e wawata ana inaianei, kia kaha anō ngā uri Māori te aruaru i ēnei nā o ngā tohu.