Ka arotakengia te pūnaha utu a Novopay e te Kāwanatanga

Mā tētahi arotake e āta wetewete ngā whakaritenga katoa o Novopay, mai i te wā me te take i tīpakohia ai tēnei pūnaha utu a Te Manatū Mātauranga, ā, tae noa mai ki ngā raru o te wā.  Koinā te whakatau i te rā nei, a Steven Joyce, te Minita kua tohua hei whakatika i tēnei raruraru.

Neke atu i te waru mano nga kaiako huri noa i te motu kua utua hētia, kua kore rānei e utua i raro i a Novopay.  Ā, i tēnei wiki, i raru hoki ngā utu a te tini kai-mahi o Te Manatū. Kua hui tahi a Joyce me ngā kai-waihanga i a Novopay, a Talent2.

Ko tā te Minita, nā te whānui o ngā raru, ka kore e wawe te whakatika ake.  Ko tāna anö, kei te tirohia tonutia te whakaaro ki te whakakore pea i a Novopay, ā, ka ngana te kāwanatanga ki te utu i ngā whakatikatika.

Ko te matapae, ka eke ki ngā miriona tāra.

Kairīpoata:  Piripi Taylor