Ka āhei ngā kaiwhakahāere mihini petipeti te whai i te tekau ma ono paeheneti o ngā pūtea o roto

Dean Nathan

Ki raro i ngā whakahaere-a-komihana ka ahei ngā kaiwhakahaere i enei mihini ki te tekau ma ono paiheneti o ngā moni hua.

Ko tā Tim Howard o te rōpu Whakakore i te Mahi Petipeti ki Whangarei.“He hokinga whakamuri tēnei ka tuku i te mana nui ki ngā kaiwhakahāere o te mahi peti moni, ko te hua o tēra a te wā ka kaha pēhi ngā raru peti moni i ngā hapori rawa kore."

He tahuritanga tēnei i ngā take kua roa e kōkiritia ana i roto te ture i poropeihanatia ai kia whai utu komihana ngā kaiwhakahaere kei manawarū rātou ki te whakapiki i ngā mahi petipeti.

He kaupapa tēnei kua ākitia e te pāti Māori ki tona mutunga ā hei te Hepetema mana ai ngā amenemana ki te ture.  Ko reira hoki piki ake ki te waru tekau paiheneti o ngā moni hua mai i enei mihini e hoki ana ki ngā rohe ko reira i whakapau ai aua moni.

Ma te wa ano tatou kitea ai ka peheatia te hunga mate petipeti.