Kaupapa: Environment

I whakahaerehia e tētahi iwi taketake nō Kānata he whakataetae hī ika hei auporo o ngā mahi kāpuni

Lynette Amoroa

Nonātata nei ka whakahaerehia e tētahi iwi taketake nō Kānata he whakataetae hī ika hei auporo i nga mahi kāpuni ki to rātou rohe. 

E anipā ana te iwi Mi'kmaq i ngā tūkinotanga ka pā ki to rātou awa i ngā mahi kāpuni.  Ko te tino aue a te iwi kāore rātou i whakamōhio atu i mua i te manatanga o te kaupapa.

Kei raro i te papa o te awa Shubenacadie te wāhi e hiahiatia ana e te kamupene o Alton ki te keri rua kāpuni.

Heoi ko te māharahara o te iwi Mi'kmaq ka paihana te awa i te wai tote hei te tai pari.  Nā kona te whakaaro o te rōpu Sipekne'kaktik kia kawea te take nei ki rō kōti.

Ahakoa kua hui tahi te kamupene Alton me ētahi o ngā iwi, hei tā ngā rangatira Mi'kmaq kāre anō kia puta he hua i aua hui.  Kei te takariri hoki ngā kainoho i te koretake o ngā māngai Mi'kmaq kei te tēpu whiriwhiri.

Kei te āta tirohia te take nei e Te Mana Arai Hauata Moana.  Hei tā rātou he uaua mō tētahi kamupene ina kaore rātou e mōhio ana ki nga tikanga ā-iwi.

Engari kotahi noaiho te whakatau a tēnei hunga.

Ko te whakatau a te kamupene ka noho tuwhera tonu tā ratou kuaha.  Heoi ko te whakatau a ngā rangatira Mi'kmaq kia whakamutua ngā mahi tuku raihana kia mārama katoa te iwi ki ngā nekenekehanga.