I toa a Emma Clewlow-Anaru i te whakataetae Miss Ink NZ 2015

Wepiha Te Kanawa

Ehara i te mea he wahine ataahua noa a Emma Clewlow-Anaru, engari kē ko ia te Miss Ink Māori tuatahi.

Tekau mā whitu tau te pakeke o Emma i te wā i riro i a ia tana kirituhi tuatahi. Neke atu i te waru tekau ngā haora te roa o te wā e mokongia ana ia. Hēoi ohorere katoa ana tana whānau.

Nā te Māori o ōna kirituhi i toa ai ia i te whakataetae, hei tā Emma. Toru tekau mā ono ngā kaiwhakataetae nō ngā pito o te motu i eke ki te papa whakaatu i Otautahi i ēnei rā whakatā.

Kei a ia te karauna me te taitara, engari he nui ngā mahi kei mua I te aroaro o Emma, hei tāpiri ki ana kirituhi.