I puta te kōrero a te heamana o te poari o Whakaata Māori he tukinga pānga tōna

I raro i te ture pārongo kua puta āmiorangi atu te kōrero e mea ana, i whakapuaki te heamana o te Poari o Whakaata Māori, i a Georgina Te Heuheu, tona tukinga pānga ki tētahi o ngā kaitono i te tūranga tumu whakarae o Whakaata Māori.

heoi, i muri iho, i whai waahi nui tonu ia ki te turanga whiriwhiri i aua kaitono tonu.

E ai ki ngā imera i tukuna ki te ao papāho, i whakapuaki a Te Heuheu i tona whanaungatanga ki tētahi o ngā kaitono i te tekau ma ono o Hongongoi, ka kī hoki, me riro ke ma te heamana tuarua ma Tahu Potiki te komiti tohu kaimahi e ārahi, heoi i tetahi imera ki etahi o ngā mema poari e waru ra i muri iho, ka kī kē  a Te Heuheu, "kia kaua e riro ma te kamupene kimi kaimahi te rarangi kaitono e whakawhaaiti, me whai waahi ke ko ia ki taua mahi".

Tokorua ngā mema poari, ko Ian Taylor raua ko Donna Gardiner, i tono kia kitea ai e raua te rarangi whanui o ngā kaitono i tau atu ki te kamupene kimi kaimahi, a, e rangona ana o raua āwangawanga i ngā imera.

I tuku whakahoki te heamana o te poari, a Te Heuheu, ki aua imera me te kī, ka waea atu ia ki a rāua.

Ko ngā imera i whai ake e tohu ana, kihai i whakāetia a raua tono kia kitea ai te rarangi kaitono whanui.

He Tumu whakarae whakakapi to whakāta Māori i tēnei wa, a, kua kiia ake ngā kaimahi, tona tikanga ka puta he panui mo tenei take a ko ake nei.