I puta te ihu o te rōpū taiohi Blues i tā rātou tukinga ki te kapa Chiefs

I kitea te rētō o ngā puna pūmanawa o ngā toa whutuporo me raro i te 18 tau te pakeke o ngā Chiefs me ngā Blues i te rangi nei i tauronarona ki St Pauls Collegiate.

I whakawhiti takitahi a Jacob Iakapo i te koko mauī.  Hēoi i tere whakautu a Viliami taulani, i noke ki te rārangi.

Ko te kāpene o ngā Blues ko Matt Mckenzie i whakaatu i ōna waewae hukehuke ki te hipa i ngā kaiārahi e rua i mua tata i te whakatā.

I muri i te whakatā, i tere whakawhiti te kapa Blues i te rārangi kia 22 ki te 5 ngā tatau.

I puare mai he āputa ki te kapa Chiefs engari i tere kati.  Ko te haika o te kapa Blues i tipi i tētahi rua, ā, i whai hua.

Heoi nā ngā Chiefs ngā kupu whakamutunga me tēnei piro ki te koko mauī.

Hei tā Kaydin Budd, “Ki au nei tere ake, tere mārika ake te taumata o kura, nui ake ēnei taitama nō Akarana.”

I toa te kapa Blues he 27-12, ā, e mārama kehokeho ana te huarahi o tua mō ēnei kapa.