Kaupapa: Housing

I porotēhi te rōpū State Housing Action Network ki te hokotanga pea o ngā whare kotahi mano ki Tauranga

Hei aha te hoko, koia tā te rōpū whakahē i ngā hokonga whare kaporeihana i Tauranga, ki ngā rōpū ā-iwi.

Mā te kaupapa Social Reform Housing, ka hokona atu ngā whare kotahi mano e kotahi rau wha tekau. Kei ngā tatau o te tari matua o IHC  a Ariana Paretutanganui-Tamati ki te whakahē i te hokona atu pea ki IHC.

Kāre te IHC i taea te kōrero ki runga kāmera, engāri e ai ki tetahi tuhituhi ki a Te Kāea, e hiahia tonu ana rātou ki ngā whare kaporeihana i Tauranga, heoi tāria te wā mena ka kitea he hua, kaore rānei, engari kaore rātou mo te whakāe ina ka kore e taea e rātou te whai whare kōunga mo ngā kaireti.

I whakapuaki a Paula Bennett, Minita Take Whare, i tetahi wāhi hanga whare hou ki Royal Oak, e mahitahi ana ki te Salvation Army. E whakapono ana ia.

Heoi kua kī mai a Pio Kawe, te māngai mo Nga Hāpu a Ngāti Ranginui, ka hoko rātou i ngā whare kaporeihana kotahi rau tekau ma rima i raro i o rātou mana hoko tuatahi, ā ka hiahia tonu rātou ki te hoko i etahi atu.Engari e whakahē ana te rōpū State Housing Action Network.

Ko te whakapae hei te tau e heke mai nei ka puta te whakatau mō ngā whare kaporeihana ki Tauranga.