Huripari Oswald ki Ahitereiria

Tokotoru ngā tangata kua mate, nā ngā waipuke te take, a, ki tā ngā mana whakahaere, ka puke ake ngā raru ki Poitīkape me Ipswich.

Ko Bundaberg me te whārua o Lockyer ngā wāhi kua kaha patua e ngā waipuke, inaianei e anga atu ana te huripari ki Poihākena .

He 140,000 ngā uri Māori e noho ana ki Ahitereiria, he toru tekau mano o rātou e noho ana ki Piripane. I rohea te waipuke ki reira, i te tau 2011.

Ko tā te hēkeretari o te Queensland Māori Society a Marama Rawiri katahi ano te nuinga o te hunga i patua e taua awhi kia whakatikahia ngā raru o taua wā, inaianei he raru nui ano kua pupū ake mō rātou.

E whakaritea ana ngā kainoho o ngā wāhi kua pēhi nei e te huripari mō ngā waipuke mei kore ka tau atu kia rātou e whakapae ana he tekau ma rima mita te putu. Ko tā Marama Rawiri i tenei wā kua ahua whakaritea kē ngā kainoho o reira mō tēnei āhuatanga nā ngā raru kua pā ki a rātou i ngā tau kua pahure.

E hia mano ngā tāngata o Piripane me Ipswich kāore i te mōhio he aha te ara whakamua mā rātou na te huripari nei. Ko tā Marama kāore ia i te mataku ko tana aronga nui ko te tiaki i tōna whānau me tōna kāinga.

E matapaetia ana ka urupatu a huripari Oswald i Poihakena, ā, e rima tekau ma waru mano neke atu ngā kāinga kei te noho kore hiko i tēnei wā.