Kaupapa: Youth

Hei te pō nei rere atu ai ētahi rangatahi Māori ki tētahi kaupapa iwi taketake ki te White House

Hei te pō nei rere atu ai ētahi rangatahi Māori ki Washington DC mō tētahi kaupapa iwi taketake ki te White House me te mea hoki rā, ko Te Perehētini o Amerika, ko Barak Obama te kaiwhakarite.

Hei tā tētahi o ngā māngai rangatahi e hiahia ana ia ki te whai māramatanga, ki ngā take rangatahi o ngā iwi taketake o reira.

E whakatikatika ana a Ezekiel Raui mō tētahi haerenga nui whakaharahara

E ai ki a Raui, "He nui rawa ngā kaupapa ki ko, pērā ki ngā huarahi rerekē mō ngā taiohi ki kō."

Nō te ata nei, kitea ai ngā teina a Raui e whakarite tāonga ana mō tana taki roa. Hei tā māmā Vanessa, i ohorere pai ia i tana rongotanga ake ka tūtaki tana tamaiti ki te Perehētini o Amerika.

Hei tā Vanessa Moses Raui, “Kī atu ia kei te tutaki ahau i a Barack, aue kaua e kōrero pērā, ae e tika ana mama, kua ngaro kē te kōrero mō tēnā, he mea hirahira mana.”

Ko Raui rātou ko Tayla Rose Campbell, ko Conor O'Sullivan, ko Moerangi Vercoe te tira haere rangatahi Māori ka whakawhanaunga atu ki ngā rangatahi iwi taketake o Amerika i Washington DC.

Ka whai wāhi atu rātou katoa ki te tuku i ngā kōrerō e hāngai ana ki ngā aupēhitanga e rongohia ana e ō rātou wā kainga. 

Ki tā Ezekiel Raui, "Tōku titiro ki te tutaki ki ngā whakaro o te tangata whenua, me te kite i nga=ā rerekētanga o ngā taiohi o konei ki a rātou."

Ko te Huinga Rangatahi-ā-Iwi tētahi o ngā wāhanga o te kaupapa Whakatupuranga Iwi Taketake nā Obama tonu i tīmata, me te wawata, mā te kaupapa nei e whakapiki ake te oranga o ngā iwi taketake.

Ka manāki te Hekeretari o te Tari a Iwi i te Rōpū Māori mō te roanga o te wiki.