Kaupapa: Environment

Hei tā ētahi tangata o Tokaanu me utu te kamupene hiko mo te waipuke i o rātou whenua

Mere McLean

Ko te whakatau mai tētahi whānau kahui e noho ana ki Tokaanu, Taupō nui ā Tia na te waipuke i wehe ai rātou mai ō rātou whenua taketake, engari ko te mahi kino rawa ko te ngarohanga ō ēnei whenua. 

Ki te take o te kāhui maunga o Ruapehu me Tongariro tērā te tākirikiri o te manawa kawa.

Hei tā Michael Pauriini, “Kihae i panahia, engari na te, waipukehia nē, te mahi a te wai, ana te māku, kua māku te whenua pēhea ka tipu kai, ki roto i ērā wāhi.”

I ngā wā o mua he whenua haumako, i nōhia e ngā Māori o Tokaanu.  Engari na te whakatūtanga o te teihana hiko o Tokaanu i te tau kotahi mano, iwa rau, whitu tekau mā toru i tipu te roto, ka waipuke ēnei whenua, ka huri hei repo.

E ai ki a Michael Pauriini, “I te tuatahi ka kī atu ahau rā, ana, he pāmu katoa i mua rā te wāhi nei, engari inaianei, ana, kua waipukehia te whenua.”

He iramutu a David Livingstone nā Michael Pauriini, ko tāna me utu te kamupene hiko i whakatū i te tari hiko o Tokaanu, ā, ko tāna e whakapae ana ka hoki tērā hē ki te kawanatanga. 

Ko Genesis Energy ngā kaipupuri o te teihana hiko o Tokaanu me tā rātou e kī ana he take tēnei e tirohia ana. Heoi mo ngā kaipupuri whenua nei, ko te utu me te whakahokitanga o ō rātou whenua te mahi nui.