He whakatauki hōu mo te wiki o te reo Rotarota

No te tau 2006 ka whakaritea te reo rotarota, te ringa a tohu ranei, hei reo tūturu o Aotearoa, ki te taha o te reo Pākehā me te reo Māori.

E ai ki tētahi kaiako Māori mo te hunga turi, kei te kite tautoko ia kia whai mana te reo Māori me te reo ringa a tohu.

Hei tā Carl Ross, “I roto i Aotearoa nei e rua ngā reo, te reo Māori te reo Rangatira anei te ringa a tohu, ana te reo Pākehā kahore au e kite ana i roto i te legislation, engari pea e rua ngā reo, te reo Māori me te ringa a tohu, me te reo Pākehā i te taha.”

Na reira ko tikanga o tēnei wiki he whakarangatira i te reo rotarota, whakamahia ngā tohu, whakahono mai ki te ao o te hunga turi. Engari me aro mai te Māori ki te kōrero a ringa nei ki te hunga turi Māori.

“Ko te mana me te honore nui kia ako i ngā tohu a ringa Māori, ahakoa iti noa i tenei wā, hei tēnei tau tonu ka piki ake te rahi o ngā tohu Māori”.

He kaupapa tēnei kua roa e hapaitia ana e te Kura Matua o Kerehana mō ngā Tamariki Turi, he mahi ka hāere tonu, ka whakahou tonu ia tau ia tau, me te wero ano a tēnei kaiako Māori, waiho ma te hunga turi Māori ano e hanga ngā tohu ringa mō te turi Māori.

“Kua kite ana au wetahi o ngā tangata kore turi, kua hanga i ngā mahi ringa a tohu, he hē tena mahi ki au, na te mea kua orite ki ngā tangata pakeha e tono mai ki te iwi Māori me pehea te korero Māori.”

Pai ana te ahua te whakāro ki te awhi atu ki ngā tangata turi, engari kei ia ratou kē te mana.