Kaupapa: Christmas

He whaina $2000 te utu mēna ka hōatu inu waipiro ki ngā taiohi

He āhuatanga e kitea ana i ngā kāinga puta noa i te motu, ko te whāngai waipiro ki te hunga rangatahi o raro iho i te tekau mā waru tau.

Ā, hei āpōpō ka whainahia te tangata mō taua mahi, he rua mano tāra.

E ai ki te ture hōu, he mahi hē ā- ture te whāngai waipiro ki te tamaiti o raro iho i te tau tekau mā waru ngā tau, heoi inā ko koe tōna mātua, kaitiaki ā-ture rānei, he whakaaetanga rānei tāu nā ngā mātua ka taea.

Ki te taha o ngā hokomaha me ngā toa waipiro, kāore rātou e hoko waipiro mai i te tekau mā tahi karaka i te pō ki te whitu karaka i te ata.  Tāpiri ki tēnā ko te wā kati mā ngā pāparakāuta, ko te whā karaka i te ata.

Heoi anō ko te tūmanako ka ako te hapori whānui i ēnei ture hōu, kia tau ai te mārie i tēnei wa o te kirihimete.