He toru miriona tāra kua whakatahangia e John Key hei whakaiti i te tukunga haukino ki te taiao

E rere ana ngā pātai ki te hui G20 i Poitīkape pēna e whakapau kaha ana ngā whenua nui o te Ao ki te whakaiti i te tukunga haukino.

I puta hoki te whakahau a te pirimia a John Key ka hoatu a Aotearoa he toru miriona tāra hei hāpai i ngā mahi ahuarangi.

I te tau rua mano tekau ma tahi i waipuketiaa Piripane, e ai ki ētahi matanga putaiao he hononga to tena ki te ahuarangi. Ahakoa tena karekau taua take i whai waahi ki te hui G20. Heoi, te aro i a Perehetini Barack Obama.

I tera wiki i whakatauria e Amerika raua ko Haina ki te whakaiti i wa raua tukunga waro.

I ki taurangi atu hoki a Obama ki te tuku i te toru piriona taara ki te Puna Putea Ahuarangi. Kaati, ko Pirimia John Key i whai ake, me te toru miriona taara.

Heoi, kaore a John Key i te whakaae ko te ahuarangi te "wero nui o te wā" - ahakoa koia pu te aki a to tatou Manatu Aorere.

Hei te timatanga o tera tau puta i a Aotearoa ētahi whainga hou ki te tau rua mano rua tekau mo te whakaiti i a tatou tukunga waro.