Kaupapa: Christmas

He tono tūpato ki ngā kaihautu waka mo te wāhanga hararei

E rere ana te whakahau a Superintendant Wally Haumaha, pouārahi iwi taketake mō ngā Pirihimana o Aotearoa, i a rātou e whakarite ana mō tēnei wahanga oreore rawa atu i runga i ō tātou rori.

Hei tā Haumaha, ahakoa nōu anō te hē, me mataara tonu koe ki te hunga poroheahea e hāere ana i runga i te ara hāere.

Nā, e ai ki ngā tatauranga mō te wāhanga o te Harinui i tēra tau, kua ono katoa ngā tukinga whakamate tāngata, ā, hei tāpiri atu he rua rau toru ngahuru ma whitu nga tukinga haraiti nei.

Nā kōnā e puta ake ai ngā kōrero akiaki a Superintendant Haumaha kia tae ora pai ai te tangata ki tāna e manakotia ai.

Ka timata te wahanga Kirihimete hei te whā karaka o te Tūrei e hāere ake nei, ka mutu hei te ra tuatoru o Kohitatea a tera tau.