Kaupapa: Entertainment

He tohutoa te whakahokinga mai ā ngā kapa Hip hop o Aotearoa ki te wā kāinga

Tokowha ngā kapa o Aotearoa i whai metara i te tauwhainga Kanikani Hip Hop o te Ao i tu ki Las Vegas, Amerika inapō. I te wāhanga ki ngā taiohi, kihai ngā toa karapïpiti o te tau rua mano, tekau mā tahi, tekau ma rua hoki, a Bubblegum i tuatahi, engari i kapohia atu te metara hiriwa.

Ki te wahanga rangatahi, nā Kānata te türanga tuatahi i toa, ā, ka tuatoru mai, ko te kapa Sorority. I te wāhanga ki ngā pakeke, he pātata te tauwhāinga i waenga i a Aotearoa me Kanata, engari i te mutunga mai i oti tuarua mai a Identity.

Huri ake ki te wāhanga mō nga kapa nui, i pupuri tonu i ngā toa o Aotearoa, i a Royal Family tā rātou taitara.

Kō atu i te rua mano, rima rau tāngata nō ngā whenua whā tekau mā toru o te ao i whakataetae i te tauwhainga nei. Tekau mā toru o aua roopu nō Aotearoa nei, ā, e rua o aua roopu, he whakangungu taitara toa te mahi.