He toenga tupeka kua waiho ki ngā keti o Te Mana Arai o Aotearoa

Te Kāea
He toenga tupeka kua waiho ki ngā keti o Te Mana Arai o Aotearoa, nā te ture hou a Minita mō ngā mahi arai a Nicky Wagner, i heke iho te tāpaenga utu mō te hoko i Duty Free. 
 
Te otinga o te tāpuinga pūtea, he kai mā te ahi.
 
I te tuatahi o Whiringa-ā-Nuku o tēnei tau, i whakaheke te tāpuinga pūtea e āhei te hoko tupeka mai i Duty Free, i mua ake e ahei kia rua rau hikareti korekau he utu, iaianei, kua heke ki te rima tekau hikareti korekau he utu.
 
Kei te hiahia te kāwanatanga ki te whakakore i te momi hikareti ki roto i Aotearoa i mua i te tau 2025, koia pū nei te take kua heke te pūtea ki te hoko i Duty Free, ka toko ake te whakāro ka ahatia te hikareti e kore hiahia nei te hokona?
 
Kua whakamohio whanui e te Minita Take Arai, ki ngā taunga rererangi puta i te ao, ko te nuinga o ngā hikareti he koha mō tētahi atu, aianei, ko te hauora te aronga nui.