He tama pūmanawa o te aō whutupōro kua hinga

Dean Nathan

He tekau mā whitu ōna tau, kei te rere ngā mihi aroha mō Jordan Kemp i mate i nanahi rā, i ngā wharanga kino i pā ki tōna māhunga nōna e tākaro whutupaoro ana i te Rāhoroi.

Hei te pō nei hui ai te kapa o Otamatea Hawks ki Maungatūroto ki te whiriwhiri mehemea ka tukua e rātou te tākaro a te Rahoroi e hāere mai nei i runga i te aroha ki tō rātou hoa kua ngaro. 

Hei tā Dean Kenny, "i tēra wiki i te kaha marangai heoi i tae kaha mai ia me te kore hū, i runga i a i te papa takaro e whana ana i te pōro, koira te āhua o te tamaiti rā, he tama ngākaunui ki te whutupōro."

He uri i heke mai i ngā kāwai toa whutupaoro o tēnei takiwa, i te ra nei kei te whakahoki mai te taonga o te mate ki konei ki te marae o Aotearoa kia tangihia e tōna iwi engari ka hāere tonu te tirohanga ki ngā āhuatanga i aitua whakamate ai a Jordan Kemp.

Kīhai i roa tana noho ki tēnei ao.  Kei te tangi tana iwi me te kii he maumau.