Ngā kaupapa: Entertainment, Environment

He taiopenga, he whanokē

Te Kuru o te Marama Dewes

Ko te taiopenga nei a Splore te taiopenga mātāmua o te motu, e whai ana kia para-kore katoa i tēnei ōna huritau rua tekau tau e haere ake nei.

Ko tā te kaihautū o tēnei taiopenga nui, tā John Minty whakahau, kua iti iho te tuku i ngā para kapu mai i te 60,000 kia kotahi noa te kapu tukurua mā ia tangata.

He tikanga hei whakatutuki i ngā whainga tieki taiao, arā, kia para-kore ai te huihuinga.

Hei  tā Tipa Compain, māngai o te mana whenua, kua kōrero tahi a Ngāti Whanaunga, a Ngāti Paoa hoki mō te para, mō te wai, ngā wharepaku ara noa atu, kia para kore ai te kaupapa nei.

Nō te tau kotahi mano iwa rau, iwa tekau mā waru, hua ake ai te tiopenga nei. hei tā te kaitohutohu a John Minty, ko te ōranga taiao tētahi o ngā aho matua ka whārikitia, hei manaaki i te takitini, i te takimano o ngā manuhiri.

He whanaungatanga kei waenga i te taiopenga nei me ngā mana whenua, ka mutu, ka whai wāhi te iwi kāenga ki te kōrero atu ki te whakaminenga, arā ki te whakaako, ki te whakaohooho.

Hei tā Tipa anō, kia maumahara te whānau o Splore mō te hiranga o tēnei wāhi ki a Ngāti Whanaunga me Ngāti Paoa, ā, kia tiaki pai i te whenua nei.

Hei te Paraire rewa ake ai ngā mahi.