Kaupapa: Entertainment

He reo hōu kua hono atu ki te rōpū Modern Māori Quartet

Talisa Kupenga

Tokorua ngā kaiwaiata hōu kua whakapiri atu ki te rōpū reoreka a Modern Māori Quartet i mua i tā rātou haerenga ki tāwāhi a tēra wiki. Ko Rutene Spooner  ko Tainui Kuru hoki tēra ka tū ki te ahurewa kia whakarata te marea o Edinburgh.

He reo rōreka hōu ki Modern Māori Quartet i mua tā rātou haerenga tuatahi ki Edinburgh.

Hei tā Rutene Spooner (Kaiwaiata hōu), 3000 ngā whakaaturanga kei te hui rā, ko MMQ tērā e whakakanohi atu mā Aotearoa.

Hei tā Tainui Kuru (Kaiwaiata hōu), he mea mīharo, he wheako hōu māna.

I ngā wiki e rua kua pahure e whakapau werawera ana rāua kia ako he whakaaturanga hōu i mua i tā rātou wehe atu hei te Mane.  Kia tū ngātahi ki ngā kaipēne tuturu a James Tito rāua ko Matariki Whatarau.

Hei tā James Tito, Kaipēne Tuturu, he pūkenga kē rāua mō ngā mahi pūoru, whakaari hoki.  Hei tāna anō he rawe ki te mahi tahi me ngā kaiwaiata tūturu nei.

Ko ngā kaipēne hōu he wahanga o te whainga nui kia puta a Modern Māori Quartet ki te Ao.

Hei tā Tito, ka haere rātou ko Matariki Whatarau ki Edinburgh. Ka haere a Matu Ngaropo rātou ko Francis Kora, ko Maaka Pohatu, ko Jamie McCaskill ki Ahitereiria mō te rua wiki.

Ka tū te rōpū mo ngā whakaaturanga whā tekau mā rima, ā, ka tuwhera te kōpaki hōu That's Us hei te marama o Mahuru.